The late Jim Reid put music to the words of the Violet Jacob poem 'Rohallian' and since first hearing that many years ago it has stuck in my wee brain when out walking, particularly the last two verses. In case you don't know Rohallion is just across the river from Dunkeld.
Rohallion
By Violet Jacob
Ma buits are at rest on the midden
I haena a plack;
Ma breeks are no dandy anes, forrit,
And waur at the back;
On the road that comes oot o' the Heilands
I see as I trayvel the airth
Frae the braes at the back o' Rohallion
The reek abune Pairth.
There's a canny wee hoose wi' a gairden
In a neuk o' Strathtay;
Ma mither is bakin' the bannocks,
The weans are at play;
And at gloamin' ma feyther, the shepherd,
Looks doon for a blink o' the licht
When he gethers the yowes at the shieling
Tae fauld them at nicht
There isna a hoose that could haud me
Frae here tae the sea
When a wind frae o' Rohallion
Comes creepin' tae me;
And niver a lowe frae the ingle
Can draw like the trail an' the shine
O' the stars I' the loch o' Rohallion
A fitstep o' mine
There's snaw I' the wind, an' the weepies
Hang deid on the shaw,
An' pale the leaves left on the rowan,
I'm southward awa';
But a voice like a wraith blaws ahint me
And sings as I'm liftin' ma pack,
"I am waitin' -- Rohallion, Rohallion --
Ma lad, ye'll be back
I cant find the Jim Reid version online but here's Jean Redpath