walkhighlands

Share your personal walking route experiences in Scotland, and comment on other peoples' reports.
Warning Please note that hillwalking when there is snow lying requires an ice-axe, crampons and the knowledge, experience and skill to use them correctly. Summer routes may not be viable or appropriate in winter. See winter information on our skills and safety pages for more information.

Mount Keen

Mount Keen


Postby Keithyboy » Sun Jul 29, 2012 6:49 pm

Munros included on this walk: Mount Keen

Date walked: 06/05/2012

1 person thinks this report is great.
Register or Login
free to be able to rate and comment on reports (as well as access 1:25000 mapping).

Bin up Keen twice afore, baith times bin in the sna',
This time it's wi Steviecogs, an' his collie Jake ena.
Stevies car's the roomiest, so for us a' that dis the trick,
Bit wi' the twisty road up the Glen, we find peer Jakes bin sick.
It jist taks a moofae o' watter, an' a wee clap on the back,
An' he's back t' brand new again, an teers on up the track.
We work away' real steady, tho' ahent Jake, we aye lag,
First stop jist at the Queens Well, an gie Stevie time for a fag.
Then up towards the hoose, an' t' the left we tramp on by,
An then it's ower the first burn, an' apart fae Jake, wir dry.
Kerry on alang the path, an' on t' the flat top,
Reckon we kin hit the Cairn, we jist one mair fag stop.
Bit noo it's startid rainin', an' wir startin' t' get weet,
Oh hing on min, that's nae jist rain, tell ye fit, ats flimmin sleet!
Ah ken this isna lookin' good, the winds really startin' t' bla',
An' as weer gettin' near the tap, we find we hiv t' trail thru sna'!
We hall wirsels up t' the Cairn, bit the withers really nae funny,
Hard t' believe fan wi left the car, it wis dry, an' calm, an' sunny.
Sleet noo bla'in in sideywyes, Stevies thinkin' this is ace,
Bit ah'v noo got ma hood an' buff up, an ma glesses cover ma face.
Nae time t' waste, we heed on doon, wi Jake hard at wir heels,
He aye looks up at baith o' us, likely thinking' that wir feels.
We find we hinna drapped that far, an' noo wir oot the breeze,
Keep wakkin for five minits or so, an' the rain noo starts t' ease.
Meet mair folk comin up the path, so stop, an' hae a blether,
Nae sure they're believin' us, fan we say aboot the weather.
Jakes awa on doon the road, he's nae carin for a natter,
He jist wints t' get back t' the burn, so he kin jump aboot in the watter.
Stevies well chuffed wi his sel' tho, ats his first ever Munro,
So fits next mate? Lochnagar? Dee a' five in a row?!
Keithyboy
Wanderer
 
Posts: 7
Munros:58   Corbetts:4
Grahams:1   
Sub 2000:5   
Joined: Jun 9, 2012
Location: Portlethen, Aberdeen

1 person thinks this report is great.
Register or Login
free to be able to rate and comment on reports (as well as access 1:25000 mapping).


Walkhighlands community forum is now advert free

We need help to keep the site online.
Can you help support Walkhighlands and the online community by setting up a monthly donation by direct debit?



Return to Walk reports - Scotland

Who is online

Users browsing this forum: Coop, Grum, mict999, tony-c and 35 guests